ثقافة بلا حدود: أمثال شعبية

‏إظهار الرسائل ذات التسميات أمثال شعبية. إظهار كافة الرسائل

الجمعة، 7 مارس 2014

الفاهم يفهم

* المزغوب حتى ليلة عرسو قصيرة

* الرزق قليل و طاحت فيه دبانة

* منديل صفية جيت نمسح فيه مسح فيا

* اللي تطوف ما تغزل الصوف

* انت مير و انا مير شكون يصوك هاد لحمير

* للا مليحة و زادتها ترويحة

* لا مزيانة للمنضر لا خفيفة كتسخر

* انا نشكيلو بالعكر و هو كيقول لي اش خبار الدراري

* حلفات العروسة ما تحب الحماة حتى تبياض الفحمة

* اللي شفتيها بسعدها عرفها كتكمل من عندها

* الدليل فالرجال هو اللي كيعطي الضحك لجار و الهم لدار

*الله يلعن كاس البلار اللي نشرب فيه المرار

* مول الطاحونة و السانية و المرا التانية حتى ليلة ما يباتها هانية

* خايبة و تنوس و لا غزالة و تهوس

الثلاثاء، 18 فبراير 2014

· وَاحَدْ مُّو مَرْضَاتْ دَاهَا لَسْبِيطَارْ اُوهُوَ يْقُولْ لِيهْ الطْبِيبْ: رَاهْ مُّكْ عَنْدْهَا اكْتِئَابْ اُوخَصَكْ تْزَوَّجْهَا، قَالْ لِيهْ الوَلْدْ: اَسِي الطْبِيبْ رَاهْ الوَلِيدَة كَبْرَاتْ اُو مَابَقَا فِيهَا مَا يَتْزَوَّجْ، اُو هِيَ تْقُولْ لِيهْ مُّو: سْكُتْ المْسَيْخِيطْ وَاشْ غَادِي تَعْرَفْ حْسَنْ مَنْ الطْبِيبْ؟

· أُسْتَاذْ الِانْجِلِيزِيّة قَالْ لِتَلْمِيذْ: يِلَا بْغَيْتِي تْقُولْ لِشِي وَاحَدْ تْعَالَا اَشْ تْقُولْ لِيهْ: قَالْ لِيهْ كَامْ هِيرْ...قَالْ لِيهْ وِيلاَ بْغَيْتِي تْقُولْ لِيهْ سِيرْ .. وُهُوَ يْقُولْ لِيهْ التِلْمِيذْ:نمَشِي لِلجِهَة الأُخْرَى وُنْقُولْ لِيهْ كَامْ هِيْر.

· مُعَلِمْ تْلاَقَا مَعَ 3 دْيَالْ التَلاَمِيذْ دْيَالُو وُسَولْهُمْ : فِينْ تَتْمْشِيوْ ؟ جَاوْبُو الأَوَل : تَنَمْشِي نَتْفَرَجْ فَالتَلْفَزَة وُمَنْ بَعْدْ تَنَمْشِي عَنْد حْسِينَة مُولْ لَحْشِيشْ، الثَانِي قَالْ لِيهْ: تَنَمْشِي نَلْعَبْ كُّورَة وُمَنْ بَعْدْ تَنَمْشِي عَنْدْ حْسِينَة مُولْ لحَشِيشْ، الثَالثْ قَالْ لِيهْ : أَنَا تَنَمْشِي نْصَلِي وُمَنْ بَعْد تَنَمْشِي لِلْدَارْ ، المُعَلمْ وُهُوَ يَفْرَحْ وُعَنْقُو وُقَالْ لِيهْ: اسْمِيتَكْ أَوُلْدِي؟ قَالْ لِيهْ : حْسِينَة مُولْ لحْشِيشْ.

· وَاحْدْ قَالْ لِصَاحْبُو نْقُولْ لِيكْ وَاحْدْ الحَاجَة تَبْقَا بِينَاتْنَا، قَالْ لِيهْ: سِرْكْ فِي بِيرْ، قَالْ لِيهْ عَنْدَكْ شِي 100 درهم تَا لِرَاسْ الشَهَرْ، قَالْ لِيهْ: كُونْ هَانِي ، بْحَالْ يِلاَ مْا سْمَعْتْ وَا لُو.

الخميس، 13 فبراير 2014

من أمثلة العرب

يقال: أبصر من زرقاء اليمامة.

هي زرقاء بني نمير: امرأة كانت باليمامة تبصر الشعرة البيضاء في اللبن، وتنظر الراكب على مسيرة ثلاثة أيام، وكانت تنذر قومها الجيوش إذا غزتهم، فلا يأتيهم جيش إلا وقد إستعدوا له، حتى احتال لها بعض من غزاهم، فأمر أصحابه فقطعوا شجرا أمسكوه أمامهم بأيديهم، ونظرت الزرقاء فقالت: إني أرى الشجر قد أقبل إليكم.قالوا لها: قد خرفت ورق عقلك وذهب بصرك. فكذبوها وصبحتهم الخيل وأغارت عليهم و قتلت الزرقاء.